नेपाल कम्युनिष्ट पार्टी (नेकपा) पुष्पकमल दाहाल प्रचण्ड-माधवकुमार नेपाल पक्षका अध्यक्ष पुष्पकमल दाहाल प्रचण्डले केपी ओली प्रवृतिलाई अघि बढाउने भूल नगर्ने बताउनुभएको छ ।

शुक्रबार नेपाल कम्युनिष्ट पार्टी(नेकपा) को केन्द्रीय संघर्ष समितिले प्रतिनिधि सभा विघटनको विरुद्ध काठमाडौँमा आयोजना गरेको विरोध सभामा सम्बोधन गर्दै अध्यक्ष प्रचण्डले आगामी दिनमा केपी ओली प्रवृतिविरुद्ध भित्रभित्रै संघर्ष गर्ने र त्यस्तो प्रवृतिलाई अघि बढाउने भूल नगर्ने बताउनुभएको हो । उहाँले भन्नुभयो -‘म तपाईं जनसमुदायलाई साक्षी राखेर के प्रतीज्ञा गर्न चाहान्छु भने अब हामी त्यस्तो केपी प्रवृतिजस्तो प्रवृतिप्रति उदार भएर भित्रभित्र संघर्ष गर्ने अनि उनको प्रवृतिलाई अगाडि बढाउन त्यस्तो खालको भूल अब हामी गर्ने छैनौँ । म प्रतिबद्धता र संकल्प गर्न चाहान्छु ।’

अध्यक्ष प्रचण्डले जनयुद्धका घाइते र अपांगलाई उपचार गराउन सरकारलाई आग्रह गरेको भएपनि नमानेको र अहिले आफू अल्पमतमा परेपछि प्रधानमन्त्री ओलीले प्रचण्डले केही नगरेको भनी आरोपीत गरेको बताउनुभयो । उहाँले भन्नुभयो – ‘सरकारलाई मैले पटक पटक यी घाइते अपांगको उपचार हुनुपर्यो । पहिले खाइपाई आएको मासिक भत्तापनि खोसिदिएछ यो सरकारले त झन । गृह प्रशासन पनि केपीले जे भन्यो त्यही मान्नेछ । मैले धरैचोटी भन्दा कहीँ कतै टेडपुच्छर लाइएन, उल्टो मासिक भत्ता खोसियो । घाइतेको उपचार गर्ने कुरालाई पुरै वेवास्ता गरियो । पार्टी विभाजन र आफू अल्पमतमा परेपछि म सुन्छु घाइते अपांगलाई हेर्नुपर्दैन भन्ने यही केपी । फट्याई गर्न पनि कति सकेको ? जालझेल गर्न नि कस्तो दिमाग हो ?’

अध्यक्ष प्रचण्डले कालिबहादुर खामको मुद्दा ठिक ढंगले हल गर्न लगातार लागिरहेको बताउनुभयो । उहाँले भन्नुभयो – ‘कालिबहादुर खाम खोई अरे ? त्यो कालिबहादुर खाम बिचरा आफैले केही गरेको त होइन । उसको मुद्दा ठिक ढंगले हल होस् भन्नका लागि दश/एघार वर्षदेखि लगातार लागेको छु । उसलाई परेको साह्रो गाह्रो हेर्न मैले लगातार बल गरेको छु । अहिले त कालिबहादुर खाम तपाईंलाई प्रचण्डले हेर्दैन, जनमुक्ति सेनाको कमाण्डरलाई जसलाई मैले १० वर्ष स्कूलिङ गरेर, हुर्काएर, माया गरेर, विकास गरेर एउटा ठाउँमा पुर्याएको । ती मान्छेको चाहिँ अब केपी ओलीले संरक्षण गर्ने रे ।

आमाको दूध चुसेर भएन बाको घुँडो । जनमुक्ति सेनाका सबै कमाण्डर, योद्धा, घाइते साथीहरु भ्रमित नहुनुहोला ।’अध्यक्ष प्रचण्डले जनमुक्ति सेनाको रगत, पसिना र बलिदानीले नेपालमा गणतन्त्र स्थापना भएको कुरा इतिहासमा स्वर्णिम अक्षरमा लेखिइसकेकोले इतिहासलाई कालो पोत्ने काम नगर्न जनमुक्ति सेनालाई अपिल पनि गर्नुभयो ।

प्रतिक्रिया

सम्बन्धित खवर

ताजा समाचार

लोकप्रिय