काठमाडौं ७, साउन : नेकपा एमालेले संविधानको धारा ७६ ५ को व्याख्या सच्चाउन संविधान संशोधन गर्ने निस्कर्ष निकालेको छ ।

केन्द्रीय कमिटीको बुधबार बसेको बैठकले चारबुँदे विशेष प्रस्ताव पारित गर्दै फ्लोर क्रस गरेर प्रधानमन्त्रीलाई विश्वासको मत दिँदा कारबाही गर्न नपाउने संविधानको धारा ७६(५) लाई सच्याउन संविधान संशोधन गर्नुपर्ने निष्कर्ष निकालेको हो।

एमालेले सर्वोच्च अदालतको फैसलाले जस्केलाबाट निर्दलीयता छिराइएको निश्कर्ष निकालेको छ । <span;>फैसलाले पार्टी स्वतन्त्रता र दलीय प्रणालीमाथि नै प्रहार भएको एमालेले जनाएको छ । बैठकपछि प्रवक्ता प्रदीप ज्ञवालीले भने, ‘यो फैसलाको साइड इफेक्टको संवैधानिक माध्यमबाट समाधान गर्ने निर्णय गरेका छौं ।भोलि आवश्यक पर्दा संविधान संशोधन गर्छौं र धारा ७६(५)को निर्दलीय व्याख्या भएको छ, त्यसलाई सच्याउँछौं ।’ यद्यपी फैसलालाई कार्यान्वयन गर्ने पनि एमालेले जनाएको छ ।

बैठकमा अध्यक्ष केपी शर्मा ओलीले पार्टी एकताका लागि अन्तिम समयसम्म प्रयास जारी राख्ने बताएका छन् ।

ललितपुरको च्यासलस्थित तुलसीलाल स्मृति प्रतिष्ठान भवनमा जारी केन्द्रीय समितिको बुधबारको बैठकमा बोल्दै ओलीले पार्टी एकताका लागि अन्तिम समयसम्म प्रयास जारी राख्ने बताएको ज्ञवालीले जनाए । ‘पार्टी एकताका लागि अन्तिम समयसम्म प्रयास जारी राख्ने प्रतिवद्धता अध्यक्ष ओलीले बैठकमा राख्नु भएको छ’ ज्ञवालील  भने, ‘तर पार्टी आन्दोलनलाई घात गर्ने कुनै पनि खालका हर्कतलाई भने सफल हुन नदिइने अध्यक्ष ओलीले बताउनुभयो ।’

एमालेले पार्टी जीवनमा प्रतिकूल परिस्थिति आएको निष्कर्ष निकाल्दै त्यसबाट निराश नभई पार्टीको पक्षमा दृढतापूर्वक उभिन पनि सिंगो पार्टी पंक्तिलाई आह्वान गरेको छ ।

बैठकले जनताको पक्षमा काम गर्र्दै पार्टीलाई राष्ट्रिय राजनीतिको पूरानै अवस्थामा पु-याउने, प्रतिपक्ष दलको हैसियतमा जन सरोकारका चासोलाई सम्बोधन गर्न सरकारलाई दवाव दिने गरी अघि बढने निर्णय पनि गरेको प्रवक्ता ज्ञवालीले बताए ।

प्रतिकूल परिस्थितिमा पार्टी अध्यक्ष ओली नेतृत्वको सरकारले ४१ महिनामा राम्रो काम गरेको समिक्षा गर्दैै धन्यवाद समेत दिएको छ ।

बैठकले  बिहीबार नेकपाका संस्थापक महासचिव पुष्पलाल श्रेष्ठको स्मृति दिवस तुलसीलाल स्मृति प्रतिष्ठानमै दिउँसो १ बजे मनाउने निर्णय पनि गरेको एमालेले जनाएको छ ।

तीन दिनदेखि जारी एमाले केन्द्रीय समिति बैठक  आज पनि बस्नेछ

प्रतिक्रिया

सम्बन्धित खवर

ताजा समाचार

लोकप्रिय